නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
අහන්න මේ ඝොෂාව
Powered by දහම් විල
අතීතය සිදුවී අවසන්...... ඔබ ඒ අතීතයේ කළ කී දෑ නැවත නැවත මෙනෙහි කිරීම වර්තමානයත් අනාගතයත් යන දෙකම ඔබ ඔබටම අහිමි කරගැනීමකි. අනාගතය ගොඩනගන්නටනම් ඔබ දැන හෝ නොදැන අතීතයේ කළ වැරදි අමතක කර අනාගතයට මුහුනදීමට සූදානම් විය යුතුය... සිදු වූ අනේකවිද වැරදි අකුසලයන් ද වරක් නැඟී බිඳී යන රළ සේ අනිත්‍ය බව මෙනෙහි කරන්න. නැවත ජීවිතයට අළුත් පිටුවක් පෙරලා එහි පෙර නොලියූ දැහැමි සිතුවිළි වලින් පුරවන්න උත්සාහ කරන්න.... බුදුසස්න වනාහි කල්ප කෝටි ගණනකිනුදු ලැබිය නොහෙන දුබල දෙයකි. පින්වත් ඔබ ඒ දුබල බුදුසස්න හා වටිනා මිනිසත් බව ලබා සිටින්නහු ය. බොහෝ මිල මුදල් සපයා ගෙන, දිවි විමන් බඳු ශෝභන මන්දිරයන් තනාගෙන, ඒවාට වී මියුරැ බොජුන් ආදියෙන් ඉන්ද්‍රියයන් පිනවීම උතුම් මිනිසත් බවින් ගන්නට ඇති ඵලය නො වේ. බුද්ධෝත්පාද කාලයේ දී ලබා තිබෙන මේ උතුම් මිනිසත් භවින් ගන්නට ඇති උසස් ඵලය නම්, හැකිතාක් දුර නිවන් මඟ ඉදිරියට ගමන් කිරීම ය. එබැවින් මහා කාරැණිකයන් වහන්සේ ගේ අනුශාසනයට ගරැ කරන සසර දුකින් මිදෙනු කැමති, බුදුසස්නෙන් හා මිනිසත් බවින් ගත හැකි උසස් ප්‍රයෝජනය ගනු කැමති, නුවණැත්තෝ තමන්ගේ සම්පූර්ණ ජීවිත කාලයෙන් එක් කොටසක දී වත් භාවනාවෙහි යෙදීම් වශයෙන් නිවන් මඟෙහි ඉදිරියට ගමන් කෙරෙත්වා !
අහෝසි මාරස්ස පරාජයෝ හි
උග්ඝෝසයුං දේවගණා පසන්නා
ඒතේන සච්චේන ජයස්සු මය්හං ///
ජය වේවා! බුදු රජාණන් වහන්සේගේ
සම්බෝධි මූලයේ දී මාරයාට පරාජය අත් විය.
පැහැදුණු දේව සමූහයා සතුටින් ඝෝෂා කළහ.
මේ සත්‍ය බලයෙන් මට ජය වේවා!
